აჭარის ჯანდაცვის სამინისტრომ თს პუნქტებს მედიკამენტები და სადიაგნოსტიკო საშუალებები გადაეცა

2016-05-24 10:54:28, 931 ნახვა

რეგიონი

აჭარის ა/რ ჯანმრთელობისა და სოციალური დაცვის სამინისტრომ თემის სამედიცინო პუნქტებს პირველადი სამედიცინო დახმარების მედიკამენტები, გლუკომეტრის აპარატები, გლუკომეტრის ტესტ-ჩხირები და წნევის საზომ აპარატები გადასცა.

სამინისტროს ცნობით, მედიკამენტების და სადიაგნოსტიკო საშუალებების გადაცემა „სოფლის მოსახლეობის ექიმამდელი სამედიცინო დახმარების“ პროგრამის ფარგლებში ხორციელდება.

ხულოს მუნიციპალიტეტში მედიკამენტებსა და სადიაგნოსტიკო საშუალებები 46 თემის სამედიცინო პუნქტმა, ხოლო შუახევის მუნიციპალიტეტში 39 თემის სამედიცინო პუნქტმა მიიღო.

მიმდინარე წელს, სოფლის მოსახლეობის ექიმამდელი სამედიცინო დახმარების პროგრამის ბიუჯეტი 783 400 ლარს შეადგენს.

პროგრამით ასევე გათვალისწინებულია თემის სამედიცინო პუნქტების მედდების ხელფასით უზრუნველყოფა.

პროგრამის ფარგლებში, აჭარის სოფლის მოსახლეობას, ექიმამდელ სამედიცინო დახმარებას 230 მედდა აწვდის. 2016 წლის I კვარტლის მონაცემებით სამედიცინო მომსახურება გაეწია 35 638 სოფლის მცხოვრებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან