კორეულმა კომპანია "სამსუნგმა" უკვე ტრადიციად ქცეული საზაფხულო ღონისძიება Galaxy Unpacked ჩაატარა, სადაც 2021 წლის ინოვაციები-Galaxy Z Fold3 და Galaxy Z Flip3 გვაჩვენა.
წინასწარ უნდა აღინიშვნოს, რომ ეს ორი ახალი მოწყობილობა გასული წლის მოდელებისგან კარდინალურად არ განსხვავდება, მაგრამ... 
დეტალებს ყურადღებას თუ არ მივაქცევთ, ეს იგივე Fold და Flip-ებია, რაც შარშან, მარგამ ცოტა უფრო "დახვეწილი". მაგალითად Galaxy Z Fold3-ს სპეციალური S Pen-ის მხარდაჭერა, შიდა ეკრანის ქვეშ მოთავსებული "უხილავი" კამერა, გაუმჯობესებული მონაცემები და შეცვლილი ძირითადი კამერების მოდული აქვს,  ხოლო Z Flip3-ში უფრო დახვეწილ და სიმეტრიულ კორპუსს, გარე ეკრანის გაზრდას და მონაცემების ცოტაოდენ გაუმჯობესებას შევნიშნავთ.

"სამსუნგის" ამ წლის ყველაზე მნიშვნელოვანი ტექნოლოგიური მონაპოვარი ეკრანქვეშა "უხილავი" სელფის კამერა გახდა, რომელიც არც თუ ისე უხილავია და ზოგადად ცნობილია, რომ ეს ტექნოლოგია დახვეწას საჭიროებს.
ორივე სმარტფონი წყალგამძლეა, მათ IPX8 დაცვის სერტიფიკატი გააჩნიათ, რაც იმაზე მეტყველებს, რომ მოწყობილობებს მტვრისაც არ "ეშინიათ".
"სამსუნგი" ამტკიცებს, რომ ორივე სმარტფონში ახალი, უფრო გამძლე ალუმინის ჩარჩო და არადეგრადირებადი ეკრანის საფარი გამოიყენეს.
ცნობილია ევროპის ფასებიც, Samsung Galaxy Z Fold3-ს საწყისი ფასი €1799, ხოლო Galaxy Z Flip3-€1049 იქნება.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება