საქართველოს თავდაცვისა და გარემოს დაცვის მინისტრები ე.წ. კაბელების საქმეზე ბრალდებულებს თავდებში ჩაუდგნენ.

ამის შესახებ თბილისის საქალაქო სასასმართლოში მიმდინარე წინა სასამართლო სხდომაზე გახდა ცნობილი, რომელზეც თავდაცვის სამინისტროს დაკავებული ყოფილი მაღალჩინოსნების მიმართ აღკვეთის ღონისძიების სახით პატიმრობის გირაოთი შეცვლის თაობაზე პროკურატურის შუამდგომლობას განიხილავენ.

თავდაცვის სამინისტროს ყოფილ მაღალჩინოსნებს თავდებში უდგებიან: თამარ კორძაია, თინა ხიდაშელი, თამარ ჩარკვიანი, გივი სიხარულიძე, გიგლა აგულაშვილი, გუბაზ სანიკიძე, ანი მიროტაძე, დავით თევზაძე და გია ყარყარაშვილი. აღსანიშნავია, რომ გია ყარყარაშვილი მიმდინარე პროცესს ესწრება.

პროკურატურამ დაკავებულებისთვის პატიმრობის გირაოთი შეცვლის შუამდგომლობა უკვე დააყენა. დაცვის მხარე პატიმრობის უპირობო გაუქმებას ითხოვს.

მოსამართლე გადაწყვეტილების მისაღებად რამდენიმე წუთში გავა.

ცნობისთვის, ე.წ. კაბელების საქმეზე სულ 5 პირია დაკავებულია. ესენი არიან: ნუგზარ კაიშაური, გიზო ღლონტი, დავით წიფურია, გიორგი ლობჟანიძე, არჩილ ალავიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო