საქართველოს ფინანსთა მინისტრ ნოდარ ხადურის განცხადებით, ფინანსთა სამინისტრომ ბიუჯეტი საკმაოდ შეამცირა და კვლავაც შეამცირებს.

კერძოდ, ხადურის თქმით,  მინისტრად დანიშვნის პირველ წელს, მისმა უწყებამ ბიუჯეტი 25%-ით შეამცირა.

"ფინანსთა სამინისტრომ ძალიან ბევრი მოიკლო და კიდევ  მოიკლებს. პირველივე წელს, როცა დავინიშნე მინისტრად, 25 მლნ  ლარი, ანუ 25% -ით შევიმცირეთ ბიუჯეტი ფინანსთა სამინისტრომ.წელსაც შეიმცირა ბიუჯეტი,  უბრალოდ ფინანსთა სამინისტროს ხარჯების ნაწილი, რომელიც იყო,  მიმართული იყო ძალიან მნიშვნელოვანი ღონისძიების დასაფინანსებლად. ეს არის  ევროპის რეკონსტრუქციისა და განვითარების ბანკის ყოველწლიური  შეხვედრა",-განაცხადა ნოდარ ხადურმა.

ამასთან, ნოდარ ხადურმა დაანონსა, რომ დაახლოებით 2 კვირაში, თბილისში, ფინანსთა სამინისტროს ორგანიზებით, შავი ზღვის ვაჭრობისა და განვითარების ბანკის ყოველწლიური შხვედრა გაიმართება.

"არანაკლებ მნიშვნელოვანი სტუმრები ჩამოვლენ საქართველოში",-აღნიშნა ნოდარ ხადურმა.

ცნობისთვის, დღეს საქართველოს პრემიერ-მინისტრმა ირაკლი ღარიბაშვილმა ნოდარ  ხადურს დაავალა,  10 ივნისამდე ბიუჯეტის დაკორექტირებული ვარიანტი  წარმოადგინოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი