„ჩემი ვიზიტი სტრასბურგში კონკრეტული საქმის განხილვას არ ემსახურებოდა“, - ასე უპასუხა საგარეო საქმეთა მინისტრმა მიხეილ ჯანელიძემ ჟურნალისტის კითხვას, „იყო თუ არა უშედეგო მისი ვიზიტი სტრასბურგში „რუსთავი 2“-ის საქმესთან დაკავშირებით“.

როგორც მინისტრმა აღნიშნა, პირები, რომლებსაც ევროსაბჭოში შეხვდა, უფლებამოსილი არ არიან კონკრეტული საქმე განიხილონ.

„მე ვნახე რომ გარკვეული სპეკულაციები მოჰყვა ჩემს ვიზიტს, მაგრამ იმ პირებს, რომლებიც საუბრობდნენ ამ ვიზიტთან დაკავშირებით, რომ თითქოს ეს ემსახურებოდა კონკრეტულად „რუსთავი 2“-ის საქმის განხილვას, კარგად მოეხსენებათ, რომ ყველა ის პირი, რომელსაც მე შევხვდი ევროპის საბჭოში, არ არის უფლებამოსილი განიხილოს კონკრეტული საქმე“, - აღნიშნა ჯანელიძემ.

მისივე განმარტებით, საგარეო საქმეთა მინისტრი არ არის უფლებამოსილი, კონკრეტულ საქმესთან დაკვშირებით ისაუბროს.

„ამას აკეთებს იუსტიციის სამინისტრო, ამიტომ ყოველგვარი სპეკულაცია ამ საქმესთან დაკავშირებით გაუგებარია“, - განაცხადა მინისტრმა.

მიხეილ ჯანელიძემ სტრასბურგში მისი ვიზიტის შესახებაც ისაუბრა:

„საგარეო საქმეთა სამინისტრო არის პასუხისმგებელი ევროპის საბჭოსთან წარმართოს მუშაობა. ჩვენ გვაქვს ძალიან ღია და ტრანსფარანტული თანამშრომლობა, ვთანამშრომლობთ დემოკრატიულ რეფორმებთან მიმართებაში. ეს თანამშრომლობა წლებია წარმატებით ხორციელდება. საქართველომ მიაღწია ძალიან დიდ წარმატებას ამ კუთხით. ადამიანის უფლებები საქართველოში ბევრად უფრო დაცულია, ვიდრე რამდენიმე წლის წინ. მე მივაწოდე მათ ინფორმაცია ქვეყანაში მიმდინარე პროცესების შესახებ და მათ შორის მედია გარემოს შესახებ“, - აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა