პრეზიდენტის ადმინისტრაციამ პარლამენტს, 31 მარტის სხდომასთან დაკავშირებით, სადაც გიორგი მარგველაშვილი ყოველწლიური ანგარიშით უნდა წარსდგეს, ოფიციალური წერილით მიმართა. 

პრეზიდეტის ადმინისტრაციის ძირითადი მოთხოვნაა, 31 მარტს საკანონმდებლო ორგანოში გამართულ სხდომაზე მთავრობის, სასამართლო ხელისუფლების, ასევე დიპლომატიური კორპუსისა და იმ ინსტიტუტების წარმომადგენლები უნდა იყვნენ წარმოდგენილები, რომლებიც ტრადიციულად, პრეზიდენტის ყოველწლიურ მოხსენებას ესწრებოდნენ. 

აღნიშნული მოთხოვნა გუშინ, პრეზიდენტის საპარლამენტო მდივანმა გიორგი კვერენჩხილაძემაც გააჟღერა. 

„ამ მოხსენების განხილვას პარლამენტის პლენარულ სხდომაზე უნდა დაესწროს აღმასრულებელი და სასამართო ხელისუფლების წარმომადგენლები, ასევე დიპლომატიური კორპუსის  და იმ ინსტიტუციების წარმომადგენლები, რომლებიც ტრადიციულად პრეზიდენტის ყოველწლიურ მოხსენებას ესწრებოდნენ. ეს განპირობებულია თავად მოხსენების მნიშვნელობით, ასევე ინსტიტუციური თანამშრომლობისა და ხელისუფლების ერთიანობის ფუძემდებლური პრინციპებით. ჩვენ გვინდა,  ვთხოვოთ საქართველოს პარლამენტს, რათა მათ უზრუნველყონ აღმასრულებელი და სასამართლო ხელისუფლებების , ასევე დიპლომატიური კორპუსისა და სხვა ინსტირუტიციების წარმომადგენლების მოწვევა პრეზიდენტის ყოველწლიურ მოხსნებაზე დასასწრებად“, - აღნიშნა კვერენჩხილაძემ.

კვერენჩხილაძის  განცხადებას გუშნვე  პარლამენტის ვიცე–სპიკერი მანანა კობახიძე გამოეხმაურა და აღნიშნა,პარლამენტმა მთავრობას პრეზიდენტის მოხსენებაზე დასწრება რომ დაავალოს, ამას რეგლამენტი არ ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული