„მნიშვნელოვანია, რომ ადამიანებს გამოხატვის თავისუფლება გარანტირებული ჰქონდეთ“, – ამის შესახებ საქართველოში აშშ–ს ელჩმა რიჩარდ ნორლანდმა ჟურნალისტებს რამდენიმე დღის წინ, „ერთიანი ნაციონალური მოძრაობის“ მიერ 21 მარტს   დაგეგმილ აქციასთან დაკავშირებით განუცხადა.

მისივე თქმით, მთავრობა ვალდებულია კანონის შესაბამისად უსაფრთხოების ზომები დაიცვას.

„საქართველოში პოლიტიკურ პარტიებს შორის დებატები მიმდინარეობს და ეს უფრო ინტენსიური ხდება 21 მარტის აქციასთან დაკავშირებით. ძალიან მნიშვნელოვანია ადამიანებს გამოხატვის თვისუფლება ჰქონდეთ და მათ მოქალაქეებისათვის საკუთარი პოზიცია ხელმისაწვდომი გახადონ. მთავრობას, კი ბუნებრივია ევალება უსაფრთხოების ზომები დაიცვას“, – აღნიშნა ნორლანდმა.

ამასთან, მისივე თქმით, აუცილებელია აქციაზე პროვოკაციას ადგილი არ ჰქონდეს

„აუცილებელია საზოგადოების ნაწილს ამ პროცესის თავის სასიკეთოდ გამოყენების საშუალება არ მიეცეს“, – განაცხადა რიჩარდ ნორლანდმა.

ცნობისთვის, დღეს „ერთიანი ნაციონალური მოძრაობა“ მთავრობის გადადგომის მოთხოვნით საპროტესტო აქციას გამართავს. აქცია თბილისში, თავისუფლების მოედანზე გაიმართება. აქციის დაწყებამდე იქნება ორი დიდი შეკრება: ერთი ვარდების მოედანზე, ხოლო მეორე კოლმეურნეობის მოედანზე, საიდანაც თავისუფლების მოედნისკენ მსვლელობა მოეწყობა. აქცია 16:00 საათისთვის დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი