2016-11-11 16:57:24, 834 ნახვა

---

გერმანიის საკონსულოზე მომხდარი თავდასხმის მოგერიების დროს არც ერთი ქართველი სამხედრო არ დაშავებულა

ავღანეთის ქალაქ მაზარ-ი-შარიფში გერმანიის საკონსულოზე მომხდარი შეიარაღებული თავდასხმის მოგერიების დროს არც ერთი ქართველი სამხედრო მოსამსახურე არ დაშავებულა.

გარდა ამისა, მტკიცე მხარდაჭერის მისიაში ჩართულმა ქართველმა სამხედროებმა საელჩოდან თანამშრომლების უსაფრთხოდ გამოყვანა  წარმატებით განახორციელეს. თავდასხმის მოგერიება და საკონსულოს ყველა თანამშრომლის უვნებლად გადარჩენა ავღანეთის უსაფრთხოების ძალებისა და ქართველი სამხედრო მოსამსახურეების მოქმედებების შედეგად გახდა.

ავღანეთის ქალაქ მაზარ-ი-შარიფში გერმანიის გენერალურ საკონსულოზე მომხდარი შეიარაღებული თავდასხმის მოგერიებაში ავღანეთში „მტკიცე მხარდაჭერის მისიის“ მონაწილე ქართველმა სამხედროებმა მიიღეს მონაწილეობა. თავდასხმა ქართველმა სამხედროებმა წარმატებით მოიგერიეს.

თავდაცვის სამინისტროს ინფორმაციით, თავდასხმის მოგერიების პროცესში არცერთი ქართველი სამხედრო მოსამსახურე არ დაშავებულა.

გერმანიის საგარეო საქმეთა სამინისტრომ ავღანეთში მებრძოლ ქართველ სამხედროებს გერმანიის საკონსულოზე თავდასხმის მოგერიებისთვის მადლობა გადაუხადა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი