საქართველოში ესტონეთის თავდაცვის სამინისტროს დელეგაცია იმყოფება.

თავდაცვის სამინისტროს ინფორმაციით, აღნიშნული ვიზიტი საქართველოს თავდაცვის სფეროში არსებული კიბერშესაძლებლობების შესწავლისა და განვითარებაში ხელშეწყობას ისახავს მიზნად.

ესტონელ სტუმრებს, კიბერპოლიტიკის დეპარტამენტის დირექტორის, მიჰკელ ტიკის ხელმძღვანელობით, საინფორმაციო ტექნოლოგიების საკითხებში საქართველოს თავდაცვის მინისტრის მრჩეველმა, გიორგი ბეროშვილმა უმასპინძლა. მინისტრის მრჩეველმა მათ ვიზიტისა და კიბერუსაფრთხოების კუთხით სფეროში გაწეული მხარდაჭერისთვის მადლობა გადაუხადა. მხარეებმა ერთმანეთს გამოცდილება გაუზიარეს და თანამშრომლობის გაღრმავების სურვილი გამოთქვეს.

დღესვე, ესტონური დელეგაციის წარმომადგენლები კიბერუსაფრთხოების ბიუროს ეწვივნენ. ანდრია გოცირიძესთან შეხვედრაზე საუბარი შეეხო ესტონეთის თავდაცვის სამინისტროს ინიციატივით ორგანიზებულ ტექნიკურ სავარჯიშოებში ქართული მხარის მონაწილეობას. საუბრის ერთ-ერთი მთავარი თემა ერთობლივი კიბერწვრთნების ორგანიზება და სხვადასხვა საგანმანათლებლო პროგრამის ფორმატში თანამშრომლობა იყო. ესტონეთის მხარე კიბერუსაფრთხოების ბიუროს კადრების გადამზადებაში დაეხმარება.

ესტონეთის თავდაცვის სამინისტროს დელეგაციის ვიზიტი საქართველოსა და ესტონეთის თავდაცვის სამინისტროებს შორის გაფორმებული 2015 წლის ორმხრივი სამხედრო თანამშრომლობის გეგმის ფარგლებში განხორციელდა. ორდღიანი ვიზიტის ფარგლებში, ესტონელი სტუმრები თავდაცვის სამინისტროს ინფორმაციული ტექნოლოგიების დეპარტამენტისა და გენერალური შტაბის J6 კავშირგაბმულობისა და ინფორმაციული სისტემების დეპარტამენტის ხელმძღვანელობასთანაც გამართავენ შეხვედრებს.

ესტონეთის დელეგაცია, ასევე, გამართავს შეხვედრებს სახელმწიფო უსაფრთხოებისა და კრიზისების მართვის საბჭოში და ნატოს სამეკავშირეო ოფისში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი