საქართველოს იუსტიციის მინისტრი თეა წულუკიანი „ნაციონალური მოძრაობის“ წევრის პაპუნა დავითაიას განცხადებას გამოეხმაურა, სადაც ის ამბობს, რომ ლევილის მამული  საქართველოს სახელწმიფოსთვის რეალურად   მათი ხელისუფლების პირობებში იყო გადმოცემული.

წულუკიანის თქმით, 2011 წელს  გაფორმებული მემორანდუმი იყო  ხელმოწერილი  მხოლოდ ერთი ფრანგული ოჯახის ერთი წარმომადგენელის  მიერ და არ ეხებოდა ლევილის მამულის გადმოცემას, არამედ   დეკლარაციული ხასიათის იყო. მისივე განმარტებით, დანარჩენმა ოჯახებმა წინა ხელისულფების პირობებში ლევილის მამულის საქართველოსთვის გადმოცემას  ხელი არ მოაწერეს, რადგან პროექტი „ლევილის მაულის მომავალი“ არ მოეწონათ.

მინისტრის განმარტებით, მთავრობამ ფრანგულ ოჯახებს მათ ხედვაზე მორგებული სრულიად ახალი პროექტი შესთავაზა.

„ბატონ პაპუნა დავითაიას მინდა მივულოცო, როგორც საქართველოს მოქალაქეს, ჩვენი მათავრობის ეს ძალიან დიდი წარმატება, რომელი წარმატებაც  გუშინ იქნა მიღწეული ოჯახებთან ერთად, 2011 წელს  გაფორმებული მემორანდუმი იყო  ხელმოწერილი  მხოლოდ ერთი ოჯახის ერთი წარმომადგენელის  მიერ და არ ეხებოდა გადმოცემას იყო დეკლარაციული ხასიათის.  ხოლო ოჯახებმა მაშინ გადმოცემას არ და ვერ მოაწერს ხელი, წინა ხელისუფლების პირობებში იმიტომ, რომ მათ არ მოიწონეს  პროექტი, რომელსაც ჰქვია ლევილის მამულის მომავალი.

 ჩვენ სწორედ ახალი პროექტი, ახალი ხედვა, მათ ხედვებზე მორგებული ხედვა შევთავაზეთ ოჯახებს  მძიმე კონსულტაციებისა და მოლაპარაკებების შედეგად, რომელიც ბატონი გელა დუმბაძის ხელმძღვანელობით, მე და ბატონი  გოჩა ჯავახიშვილის ჩართულობით ვაწარმოეთ   ფრანგულ ოჯახებთან, ჩვენ გუშინ მივაღწეით ყველა  ოჯახის ხელმოწერას თბილისში იმ ძალიან დიდი ზეიმის პირობებში, რაც გუშინ ქართველ ერს გვქონდა“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი