ფინანსთა სამინისტროს შემოსავლების სამსახური გადასახადის გადამხდელებს აფრთხილებს, რომ მიმდინარე წლის 1 აპრილს ამოიწურა ვადა, რომლის ფარგლებშიც ბიზნესსუბიექტებს საკუთარი სარეგისტრაციო მონაცემები „მეწარმეთა შესახებ“ ახალ კანონთან შესაბამისობაში უნდა მოეყვანათ.

უწყების განმარტებით, იმ საწარმოებს, რომლებმაც დადგენილ ვადებში არ უზრუნველყვეს მონაცემების განახლება, საგადასახადო და საბაჟო ფორმალობებზე შეზღუდვები დაუწესდათ.

შემოსავლების სამსახურის განცხადებით, შეზღუდვები მხოლოდ მას შემდეგ მოიხსნება, რაც საწარმო კანონით განსაზღვრულ ვალდებულებას შეასრულებს. კერძოდ:

• ბიზნესსუბიექტმა უნდა უზრუნველყოს სარეგისტრაციო მონაცემების შესაბამისობაში მოყვანა „მეწარმეთა შესახებ“ საქართველოს კანონთან;
• აღნიშნულ საკითხზე რეგისტრაცია შეჩერებულმა პირებმა უნდა მიმართონ იუსტიციის სახლის ფილიალებს.

იმ შემთხვევაში, თუ მეწარმეებს დამატებითი კითხვები აქვთ რეგისტრაციის პროცედურებთან დაკავშირებით, უწყება მათ იუსტიციის სახლის ცხელ ხაზზე დაკავშირებას ურჩევს: ტელეფონი: 2 405 405. ელფოსტა: info@psh.gov.ge

შეგახსენებთ, რომ „მეწარმეთა შესახებ“ ახალი კანონი ძალაში 2022 წლიდან შევიდა, თუმცა არსებულ სუბიექტებს მონაცემების დასაზუსტებლად გარკვეული გარდამავალი პერიოდი ჰქონდათ მიცემული, რომელიც მიმდინარე წლის 1 აპრილს დასრულდა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა