აჭარის ჯანმრთელობისა და სოციალური დაცვის მინისტრმა, ნინო ნიჟარაძემ ევექსის ჰოსპიტლების შუახევის კლინიკის მოქმედი ქირურგი, ტარიელ ბერიძე, აჭარის ავტონომიური რესპუბლიკის მოსახლეობის სამედიცინო მომსახურების საქმეში შეტანილი წვლილისათვის, მადლობის სიგელით დააჯილდოვა. ამის შესახებ ინფორმაციას აჭარის ჯანდაცვის სამინისტრო ავრცელებს.

,,ვულოცავ ბატონ ტარიელს 70 წლის იუბილეს და სამინისტროს სახელით მადლობას ვუხდი ხანგრძლივი და ნაყოფიერი საქმიანობისათვის, განსაკუთრებით მაღალმთიან აჭარაში, სადაც სამედიცინო სერვისებზე ხელმისაწვდომობა, მთავარი პრიორიტეტია. ვუსურვებთ ჯანმრთელობას და წარმატებებს“ - აღნიშნა მინისტრმა, ნინო ნიჟარაძემ. 

 უწყების ცნობით, ტარიელ ბერიძემ სამედიცინო უნივერსიტეტი ზოგადი ქირურგიის მიმართულებით 1980 წელს, ბაშკირეთში დაამთავრა. აქვს 38 წლიანი სამუშაო გამოცდილება სხვადასხვა პოზიციაზე - მუშაობდა ქირურგად ჩიშმის და შუახევის რაიონულ საავადმყოფოებში, ასევე იყო სასაზღვრო ძალების ექიმი, შუახევის სასწრაფო სამედიცინო დაწესებულების მორიგე ექიმი, ბათუმის რეფერალური საავადმყოფოს მორიგე ქირურგი. დღემდე პროფესიულ საქმიანობას ეწევა ევექსის შუახევის კლინიკაში და პარალელურად არის უჩამბის სოფლის ექიმი.

ავტორი: NS (სტატია დაფინანსებულია),

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა