საბურთალოს რაიონში, პატარა დიღომში, მე-17 საჯარო სკოლის მიმდებარე ტერიტორიაზე სკვერის სრული რეაბილიტაცია განხორციელდა.

პროექტის შედეგად,  3 400 კვადრატულ მეტრ ფართობზე  ინფრასტრუქტურა განახლდა. დამონტაჟდა ლედ განათების სისტემა და საპარკე სკამები, ასევე გაკეთდა საფეხმავლო ბილიკი და სხვადასხვა სახეობის მცენარე დაირგო. ტერიტორიაზე მოეწყო საბავშვო მოედანი, სადაც ატრაქციონები დამონტაჟდა.

განახლებული სკვერი საბურთალოს რაიონის გამგებელმა გაიოზ ვასაძემ, მაჟორიტარ დეპუტატ ავთანდილ ცინცაძესთან ერთად დაათვალიერა.

 „ქვეყანაში არსებული ვითარების მიუხედავად, საბურთალოს რაიონში ინფრასტრუქტურული პროექტები აქტიურად მიმდინარეობს. პატარა დიღომში, ეს ერთადერთი დიდი სკვერია, რომლითაც მთელი უბნის მცხოვრებლები და სკოლის მოსწავლეები სარგებლობენ. ამიტომ ჩვენთვის მნიშვნელოვანი იყო, ეს სკვერი კეთილმოგვეწყო. ვფიქრობ, ადგილობრივი მოსახლეობისთვის ძალიან კარგი დასასვენებელი, ხოლო ბავშვებისთვს გასართობი სივრცე შეიქმნა. ამ დროისთვის, საბურთალოს რაიონში კიდევ 5 მისამართზე სკვერის განახლება მიმდინარეობს“, -განაცხადა გაიოზ ვასაძემ.

სამუშაოები კომპანია „ტაომ“ შეასრულა, რისთვისაც საბურთალოს გამგეობის ბიუჯეტიდან   198 267  ლარი გამოიყო.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო