საქართველოს იუსტიციის სამინისტროს სსიპ „დანაშაულის პრევენციის ცენტრის“ ახალგაზრდული პროგრამა „ლიდერთა სახლის“ მონაწილეებს თეატრისა და კინოს მსახიობი, პოეტი, ტელეწამყვანი ალექსანდრე ლორთქიფანიძე შეხვდა.

როგორც „ექსპრესნიუსს“ დანაშაულის პრევენციის ცენტრიდან აცნობეს, შეხვედრა პროექტის „წიგნის კლუბის“ ფარგლებში გაიმართა და ის წიგნის საერთაშორისო დღეს მიეძღვნა. 

ალექსანდრე ლორთქიფანიძემ ახალგაზრდებისთვის მიგელ დე სერვანტესის „დონ კიხოტის“ თემაზე პრეზენტაცია გამართა.  სტუმარმა ისაუბრა როგორც უშუალოდ წიგნზე, ისე მის ავტორზე, პერსონაჟებზე, მთავარ ღირებულებებზე. მოსწავლეებს გააცნო „დონ კიხოტზე“ სხვადასხვა კრიტიკოსის მიერ გამოთქმული მოსაზრებებიც. განსაკუთრებული ყურადღება დაეთმო დონ კიხოტის გმირისა და თანამედროვეობის შედარებას, იმ ღირებულებებსა თუ იდეალებს, რომელებიც ამ წიგნს გააჩნია.

შეხვედრის მეორე ნაწილი  დისკუსიას დაეთმო. „ლიდერთა სახლის“ მოსწავლეები აქტიურად ჩაერთვნენ ინტერაქტიულ შეხვედრაში და მოსაზრებები გამოთქვეს.

ცნობისთვის, „წიგნის კლუბი“ საქართველოს იუსტიციის დანაშაულის პრევენციის ცენტრის ახალგაზრდული პროგრამა „ლიდერთა სახლის“ ერთ-ერთი პროექტია, რომლის მიზანია წიგნის პოპულარიზაცია, ლიტერატურული ნაწარმოების განხილვის გზით არასრულწლოვნებში  სამოქალაქო ცნობიერების ამაღლება, ანალიტიკური აზროვნების განვითარება, პრეზენტაციული  და არგუმენტირებული მსჯელობისთვის საჭირო უნარების გამომუშავება. პროგრამა „ლიდერთა სახლი“ საქართველოს 13 ქალაქში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი