2016-05-11 10:32:54, 898 ნახვა
სამხედრო
ქართულ-ამერიკული სწავლება „ღირსეული პარტნიორი 2016“ დღეს ოფიციალურად გაიხსნება
ვაზიანის აეროდრომზე ქართულ-ამერიკული სწავლება „ღირსეული პარტნიორი 2016“ დღეს ოფიციალურად გაიხსნება.
ოფიციალური პირების სიტყვით მიმართვების შემდეგ, წვრთნაში მონაწილე ქართველი, ამერიკელი და ბრიტანელი სამხედრობის მონაწილეობით გაიმართება საჩვენებელი სწავლება - საჰაერო-სადესანტო ოპერაცია და ობიექტზე შეტევის ამოცანა.
„ღირსეული პარტნიორის“ გახსნის ოფიციალური ცერემონიალი სწავლებაში ჩართული ამერიკული ტექნიკის - M1A2 ტიპის ტანკებით „ABRAMS“ და ქვეითთა საბრძოლო მანქანებით „M2 BRADLEY“ ჩავლით დასრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
