საქართველოს ნეონატოლოგთა ასოციაციის ეგიდით, დღეს ბათუმში, კონფერენცია "ზრუნვა მომავალზე - ინოვაციები ნეონატოლოგიაში" გაიმართა. ამის შესახებ ინფორმაციას აჭარის ჯანდაცვის სამინისტრო ავრცელებს.

მათივე ცნობით, სამეცნიერო პრაქტიკული კონფერენციის გახსნის ცერემონიას ესწრებოდნენ აჭარის ჯანდაცვის მინისტრი ნინო ნიჟარაძე და პირველი მოადგილე, მარი ზანაქიძე.

"უკვე მერამდენედ ვიღებ მონაწილეობას ამ კონფერენციის გახსნის ცერემონიაში და ეს ჩემთვის დიდი პატივია. უმნიშვნელოვანეს საქმეს ემსახურება თითოეული თქვენგანი და მინდა მადლიერება გამოვხატო თქვენი საქმიანობის მიმართ. ჩვენ, ჯანდაცვის წარმომადგენლები ვალდებულები ვართ თქვენი საქმიანობა დავაფასოთ და ის ფინანსური რისკები, რაც მოქალაქეების წინაშე დგას მინიმუმამდე დავიყვანოთ, დაგეხმაროთ ახალი სერვისების დანერგვაში, ვინაიდან ბავშვის ჯანმრთელობა არის უმნიშვნელოვანესი. ის, რასაც კონკრეტული ასოციაცია აკეთებს, არის ამ სფეროს განვითარების წინა პირობა, მინდა მადლობა გადაგიხადოთ და წარმატებები გისურვოთ", - აღნიშნა სიტყვით მისალმებისას აჭარის ჯანმრთელობისა და სოციალური დაცვის მინისტრმა, ნინო ნიჟარაძემ.

კონფერენცია ყოველწლიურად იმართება და მასში მონაწილეობას წამყვანი ნეონატოლოგები, პედიატრები, გინეკოლოგები, ოჯახის ექიმები და სოფლის ექიმები ღებულობენ.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი