მსოფლიო ლიდერები საუდის არაბეთში გარდაცვლილი მეფის აბდალასთვის პატივის მისაგებად ჩადიან.

გუშინ, ერრეადში თურქეთის პრეზიდენტი რეჯეფ თაიფ ერდოღანი, პაკისტანის პრემიერ-მინისტრი  ნავაზ შარიფი, პალესტინის ლიდერი მაჰმუდ აბასი, სპარსეთის ყურის სახელმწიფოების მეთაურები ჩავიდნენ.

დღეს საუდის არაბეთში გაერთიანებული სამეფოს პრემიერ-მინისტრი დევიდ კემერონი და პრინცი ჩარლზი, საფრანგეთის პრეზიდენტი ფრანსუა ოლანდი, რუსეთი პრემიერ-მინისტრი დიმიტრი მედვედევი და უკრაინის პრეზიდენტი პეტრო პოროშენკო ჩავლენ.

ოთხშაბათს ახალი მეფის სალმანისთვის მისასამძიმრებლად აშშ-ის პრეზიდენტი ბარაკ ობამა ჩავა.

შეგახსენებთ, საუდის არაბეთში მეფე აბდალა ბინ აბდულაზიზ ალ საუდი გუშინ გარდაიცვალა. იგი გუშინვე, მზის ჩასვლამდე, ისლამური ტრადიციის თანახმად დაკრძალეს. 90 წლის მეფე, ბოლო რამოდენიმე კვირა  საავადმყოფოში ფილტვების ანთების გამო იმყოფებოდა. მეფე აბდალა ბინ აბდელ აზიზ ალ საუდი ტახტზე 2005 წელს ავიდა.

საუდის არაბეთის ახალი მეფე სალმან ბინ აბდულაზიზ ალ საუდი საუდი გახდა. ახალმა მეფემ თავის მემკვიდრედ ნახევარძმა პრინცი მუკრინი დანიშნა, ხოლო თავისი შვილი მოჰამად ბინ სალმანი თავდაცვის მინისტრად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი