საქართველოს თავდაცვის მინისტრის პირველმა მოადგილემ, გოჩა რატიანმა და შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ ამერიკული დელეგაციის წარმომადგენლებს უმასპინძლეს.

თავდაცვის სამინისტროს ინფორმაციით,  შეხვედრას საქართველოში აშშ-ის ელჩის მოადგილე, ნიკოლას ბერლინერი და ამერიკული საზღვაო ქვეითი ძალების ატაშე, ვიცე-პოლკოვნიკი რიჩ ბრედი დაესწრნენ.

შეხვედრაზე ეროვნული ომის კოლეჯის ინსტრუქტორებმა და კურსანტებმა საქართველოს უსაფრთხოების სტრატეგიისა და ქვეყნის რეგიონული მნიშვნელობის შესახებ ინფორმაცია მიიღეს. გენერალ-მაიორმა სტუმრებს უწყებაში მიმდინარე რეფორმები და სამომავლო გეგმები გააცნო. საუბრისას ყურადღება უელსის სამიტზე მიღებული ნატო-საქართველოს არსებითი პაკეტის განხორციელების საკითხებზე გამახვილდა. შეხვედრაზე საუბარი აშშ-საქართველოს შორის ორმხრივი თანამშრომლობის საკითხებს შეეხო და პარტნიორი ქვეყნის მხარდაჭერის მნიშვნელობა ხაზგასმით აღინიშნა. ქართულმა და ამერიკულმა მხარეებმა ამერიკის ეროვნული ომის კოლეჯთან თანამშრომლობის პერსპექტივები განიხილეს. ამერიკული დელეგაციის წარმომადგენლებმა მათთვის საინტერესო კითხვებზე პასუხებიც მიიღეს.

როგორც უწყებაში აცხადებენ, ეროვნული ომის კოლეჯი საქართველოს ოთხ წარმომადგენელს აქვს დამთავრებული, მათ შორის, საქართველოს შეიარაღებული ძალების გენერალური შტაბის უფროსს, გენერალ-მაიორ ვახტანგ კაპანაძესა და თავდაცვის მინისტრის პირველ მოადგილეს გოჩა რატიანს. ამჟამად, კოლეჯში პოლკოვნიკი ზაზა ჯაფარიძე იღებს განათლებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი