საქართველოს ეროვნულ ბოტანიკურ ბაღში იასამნების ყვავილობის დღეები გაიხსნა. ბოტანიკური ბაღის იასამნების საკოლექციო ნაკვეთი 700-მდე ეგზემპლარს, 113 ჯიშსა და 10-მდე სახეობას ითვლის. 

ბოტანიკურ ბაღში არსებული ისტორიული იასამნების საკოლექციო ნაკვეთი საქართველოში ყველაზე მასშტაბურ იასამნების კოლექციას წარმოადგენს. 1970 წელს შექმნილი და 2019 წელს განახლებული უნიკალური კოლექცია ასახავს ქვეყნის ბოტანიკურ მემკვიდრეობას და მრავალწლიანი კვლევისა და მოვლის შედეგს. იასამნების მრავალფეროვნება, სურნელი და გაზაფხულის ფერები ბაღს განსაკუთრებულად მიმზიდველს ხდის, როგორც ადგილობრივი დამთვალიერებლებისთვის, ისე ტურისტებისთვის. 

იასამნების საკოლექციო ნაკვეთი ბაღის ცენტრალური შემოსასვლელიდან დაახლოებით ერთი კილომეტრის დაშორებით მდებარეობს. დამთვალიერებლებს ადგილზე სპეციალური მანიშნებლები დახვდებათ, რომლის საშუალებითაც სირინგარიუმში აღმოჩნდებიან. 

ეროვნული ბოტანიკური ბაღი იასამნების ყვავილობის სანახავად დამთვალიერებლებს მაისის შუა რიცხვებამდე უმასპინძლებს.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ