არჩილ ტატუნაშვილის უკანონო დაკავებიდან  7 წელი გავიდა.

 35 წლის ქართველი სამხედრო მოსამსახურე, 2018 წლის 22 თებერვალს ოკუპირებულ ახალგორში საოკუპაციო რეჟიმის წარმომადგენლებმა უკანონოდ დააკავეს. დაკავებიდან მეორე დღეს, 23 თებერვალს, ცნობილი გახდა, რომ ის გარდაიცვალა. მისი ცხედარი ოჯახს მხოლოდ 26 დღის შემდეგ, 20 მარტს, გადმოსცეს, მრავლობითი დაზიანებებითა და წამების ნიშნებით. არჩილ ტატუნაშვილი მუხათგვერდის ძმათა სასაფლაოზე სამხედრო პატივით დაკრძალეს.  

არჩილ ტატუნაშვილი 2007 წლიდან 2011 წლამდე მსახურობდა საქართველოს შეიარაღებულ ძალებში. მისი ტრაგიკული გარდაცვალება გახდა ერთ-ერთი მთავარი მიზეზი ე.წ. “ოთხოზორია-ტატუნაშვილის სიის” შექმნისა, რომელშიც შეყვანილნი არიან პირები, რომლებიც ოკუპირებულ ტერიტორიებზე საქართველოს მოქალაქეების უფლებების დარღვევაში არიან ბრალდებულნი.  

მისი ხსოვნის პატივსაცემად, წილკნის დევნილთა დასახლებაში არჩილ ტატუნაშვილის სახელობის მემორიალი გაიხსნა, სადაც მისი დაბადების დღეების აღსანიშნავად სხვადასხვა ღონისძიებები იმართება.  

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი