დღეს, 14:45 საათზე, რესტორან „ბაბილოსთან“, სადაც მოსამართლეების კორპორატიული წვეულებაა დაგეგმილი, მოქალაქეები საპროტესტო აქციას გამართავენ. აქცია სახელწოდებით „უსამართლო სასამართლო“ იმართება და მისი მონაწილეები ბოლო დღეებში დაკავებული პირების მიმართ სოლიდარობას გამოხატავენ.

აქციის ორგანიზატორები ხელისუფლებას მოუწოდებენ, დაუყოვნებლივ გაათავისუფლოს უკანონოდ დაკავებული ადამიანები და შეწყვიტოს ძალადობრივი მეთოდებით სამოქალაქო უფლებების დარღვევა.

„ეს არის პროტესტი არა მხოლოდ უკანონო დაკავებების, არამედ უსამართლო სასამართლოს წინააღმდეგ, რომელიც საზოგადოების ინტერესებს უგულებელყოფს. ჩვენ მოვითხოვთ სასამართლო სისტემის გამჭვირვალობას და ყველა პოლიტიკური პატიმრის გათავისუფლებას,“ – აცხადებენ აქციის მონაწილეები.

აქციას სხვადასხვა სამოქალაქო ორგანიზაციისა და საზოგადოების წარმომადგენლები შეუერთდებიან. მათი თქმით, სასამართლოს დღევანდელი მდგომარეობა სამართლიანობის პრინციპებს სრულად ეწინააღმდეგება.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი