ფინანსთა მინისტრი ნოდარ ხადური საჯარო ფინანსების მართვის რეფორმის (PFM) მხარდამჭერი პროექტის წარმომადგენლებს შეხვდა, რომელსაც კომპანია "ლუისბერგერის" ინსტიტუციური დეპარტამენტის დირექტორი დაფნე ბენაიოუნი ხელმძღვანელობს.

ამის შესახებ „ექსპრესნისუსს“ ფინანსთა სამინისტროდან აცნობეს.

 მათივე ინფორამციით, „საჯარო ფინანსების მართვის რეფორმის მხარდამჭერი პროექტის“ მესამე ფაზის განხორციელების მხარდასაჭერად, საქართველოში  მიმდინარე წლის 20 იანვრიდან დაიწყო ევროკავშირის ტექნიკური დახმარების პროექტი და მისი მიზანია, ფინანსთა სამინისტროსთვის,  სახელმწიფო აუდიტის სამსახურის, პარლამენტის საფინანსო-საბიუჯეტო კომიტეტისა და პარლამენტის საბიუჯეტო ოფისისათვის სახელმწიფო ფინანსების მართვის რეფორმის საკითხებში ხელშეწყობა.

 აღნიშნული პროექტის ხანგრძლივობა 28 თვეა და იგი მთლიანად ორიენტირებულია ბენეფიციარი უწყებების მოთხოვნებსა და პრიორიტეტულ მიმართულებებზე.  როგორც შეხვედრაზე აღინიშნა, ფინანსთა სამინისტრო აქტიურად ითანამშრომლებს ევროკავშირის წარმომადგენლობასთან და პროექტის განმახორციელებელ ჯგუფთან, რათა სამინისტროს საჭიროებები და მოთხოვნები პასუხობდეს  PFM-ის მიზნებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი