უკრაინის გენერალური პროკურატურა საქართველოს ყოფილ პრეზიდენტ მიხეილ სააკაშვილს არ გადმოსცემს.

ამის შესახებ უკრაინის გენერალური პროკურატურის პრესსამსახურის განცხადებაშია ნათქვამი.

„უკრაინის გენერალურმა პროკურატურამ საქართველოს მთავარი პროკურატურის ექსტრადიციის მოთხოვნილების შემოწმება დაასრულა. საქართველო მიხეილ სააკაშვილის გადმოცემას მისი სისხლის სამართლებრივი დევნისთვის იმ დანაშაულებებისთვის ითხოვდა, რომელიც მან, თითქოსდა მისი პრეზიდენტობის პერიოდში ჩაიდინა. შემოწმების შედეგად დადგინდა, რომ სააკაშვილის გადმოცემის მოთხოვნა საქართველოს კომპეტენტურმა ორგანოებმა მისი პოლიტიკური დევნისთვის მოითხოვეს, რაც ადამიანის უფლებათა და ძირითადი თავისუფლებებსი 1950 წლის კონვენციას ეწინააღმდეგება. ასეთ ვითარებაში უკრაინის გენერალურმა პროკურატურამ მიხეილ საააკშვილის ექსტრადიციაზე ქართველ კოლეგებს უარი უთხრა“, - ნათქვამია უკრაინის გენერალური პროკურატურის განცხადებაში.

ცნობისთვის, საქართველოს გენერალურმა პროკურატურამ უკრაინულ მხარეს ექსპრეზიდენტის ექსტრადირების თხოვნით 17 თებევრალს მიმართა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი