უკრაინასა და რუსეთს შორის ტყვეების მორიგი გაცვლა შედგა სტამბოლში მიღწეული შეთანხმების ფარგლებში. კერძოდ, უკრაინამ რუსეთის ტყვეობიდან დაიბრუნა მძიმედ დაჭრილები და ჯანმრთელობის მქონე პირები.

„ვაგრძელებთ ჩვენი ხალხის დაბრუნებას, რაც სტამბულში იყო შეთანხმებული. დღეს მძიმედ დაავადებული და დაჭრილი ჯარისკაცების რუსული ტყვეობიდან დაბრუნების პირველი ეტაპია. ყველა მათგანი საჭიროებს სასწრაფო სამედიცინო დახმარებას. ეს არის მნიშვნელოვანი ჰუმანიტარული აქტი. გაცვლა უნდა გაგრძელდეს. ჩვენ ყველაფერს ვაკეთებთ, რომ ვიპოვოთ და დავიბრუნოთ თითოეული მათგანი, ვინც ტყვეობაშია. მადლობელი ვარ ყველასი, ვინც გვეხმარება“, – წერს უკრაინის პრეზიდენტი ვოლოდიმირ ზელენსკი სოციალურ ქსელებში.

ტყვეების საკითხზე მომუშავე საკოორდინაციო შტაბის ცნობით, გათავისუფლებულებს შორის არიან მარიუპოლის დამცველები. შტაბში აღნიშნავენ, რომ უსაფრთხოებიდან გამომდინარე გათავისუფლებული პირების ზუსტ რაოდენობას გაცვლის პროცესის დასრულების შემდეგ გამოაცხადებენ.

უკრაინასა და რუსეთს შორის ტყვეების გაცვლა გუშინაც შედგა, რის შედეგადაც უკრაინამ დაიბრუნა 25 წლამდე ასაკის სამხედროების პირველი ჯგუფი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი