ვასო აბაშიძის სახელობის ახალ თეატრში სოფო ნიჟარაძე მივიდა - დასის წევრი "პირველებთან" ამბობს, რომ ხელმძღვანელის პოზიციიდან დავით დოიაშვილის გათავისუფლება იმ მანიფესტზე პასუხია, რომელსაც ხელოვანები მთელი საქართველოს მასშტაბით, სინდისის პატიმრების გათავისუფლების მოთხოვნით მართავდნენ. 

"დიქტატურაა ჩვეულებრივი" - აცხადებს სოფო ნიჟარაძე. 

დიქტატურაა ჩვეულებრივი, რა შეიძლება, რომ ვთქვა. ეს არის პასუხი მანიფესტზე. ეს არის პასუხი, რომ თეატრი არ ეგუება ამ უსამართლობას, იმას, რომ ჩვენი მსახიობი დაჭერილია და ათეულობით ბევრი უდანაშაულო ადამიანი ზის ციხეში. რა ვიცი, გაგვაჩუმებენ, ალბათ, ყველას. ყოველ შემთხვევაში მცდელობა არის, რომ გაგვაჩუმონ. ხვალ შეიძლება ტელევიზიაც დაკეტონ, რა ვიცი. მხოლოდ facebook-ზე პოსტვა აღარ შეიძლება, შეიძლება ეს იარაღიც აღარ გვქონდეს, ამიტომ ქუჩაში გამოსვლა არის საჭირო და კიდევ უფრო აქტიური წინააღმდეგობა", - ამბობს სოფო ნიჟარაძე.

ცნობისთვის, კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. 

თიკა რუხაძის უწყება განცხადებაში ამტკიცებს, რომ „სახელმწიფო ბიუჯეტიდან მიღებული უწყვეტი დაფინანსების პირობებში”, თეატრში შემოქმედებითი პროცესი თვეების მანძილზე შეჩერებული იყო. 

შეგახსენებთ, დავით დოიაშვილმა 23 იანვარს გამოაცხადა, რომ ახალი თეატრი რეგიონებში გავიდოდა და საპროტესტო მანიფესტით წარდგებოდა. თეატრი, რომლის ერთ-ერთი მსახიობია დაკავებული ანდრო ჭიჭინაძე, პროტესტების დასაწყისიდანვე გაფიცულია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი