გერმანიის კანცლერმა ანგელა მერკელმა, რუსეთის ფედერაციის პრეზიდენტის ვლადიმერ პუტინის დიდი შვიდიანის სამიტზე დაპატიჟება გამორიცხა.

ამის შესახებ მერკელმა „Frankfurter Allgemeine Zeitung“-თან ინტერვიუში განაცხადა.

„დიდი შვიდიანი, მანამდე დიდი რვიანი, ყოველთვის განიხილავდა თავს, როგორც საერთო ღირებულებებით გაერთიანებული თანამეგობრობა. ყირიმის ანექსია საერთაშორისო სამართლის პრინციპების უხეში დარღვევა და ჩვენი საერთო ღირებულებების უგულებელყოფაა. სწორედ ამიტომ, პუტინს არანაირი შანსი არ აქვს, რომ დიდი შვიდიანის სამიტზე დაპატიჟება მიიღოს, რომელიც ბავარიაში ივნისში გაიმართება“, - განაცხადა მერკელმა.

მისივე თქმით, სანქციები მანამდე არ მოიხსნება, სანამ მათი დაწესების მიზეზი არსებობს.

ცნობისთვის, დიდი შვიდიანის სამიტი გერმანიაში 7-8 ივნისს გაიმართება.

აღსანიშნავია, რომ შარშან, დიდი რვიანის სამიტი სოჭში უნდა გამართულიყო, თუმცა ყირიმის ანექსიის გამო, დიდი რვიანი რუსეთის გარეშე ბრიუსელში შეიკრიბა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსებო, მონებო - ოცნების მთავრობა 9 აპრილის მემორიალთან შეძახილების ფონზე მივიდა

უკრაინულმა დრონებმა კრასნოდარის მხარეში ექსპორტისთვის განკუთვნილ ნავთობის მსხვილ სატუმბო სადგურს შეუტიეს

კობახიძემ მდინარაძეს წოდება კიდევ ერთხელ აუმაღლა, ის სუს-ის პოლკოვნიკი გახდა

თეთრ სახლში თქვეს, რომ ტრამპი რუტესთან შეხვედრაზე NATO-ს დატოვების შესაძლებლობასაც განიხილავს