"რა თქმა უნდა მე მე მყავს ჩემი კანდიდატები. ჩემი კანდიდატები არიან, ვინც ილია მეორეს მოყვებიან ადრეული დროიდან - 60 წელს ზევით არიან, ზოგი 70-ს აღემატებიან", - ამის შესახებ დმანისისა და აგარაკ-ტაშირის მთავარეპისკოპოსმა, ზენონ იარაჯულმა საპატრიარქოში შესვლამდე ჟურნალისტებთან განაცხადა.

მისი თქმით,  ასაკობრივი შეზღუდვა არასწორია.

"მე ვფიქრობ, რომ ასაკობრივი შეზღუდვა არასწორია. პირიქით, 70 და 60 წელი პატრიარქისთვის საჭირო ასაკია, მთავარია, ფუნქციონირებდეს და მუშაობდეს სისტემა. პატრიარქი ნამდვილად უნდა იყოს ფსიქოლოგიურად ამ ასაკის“, – განაცხადა მეუფე ზენონმა.

სასულიერო პირს ჟურნალისტებმა ჰკითხეს, ხომ არ ხედავს პატრიარქის არჩევის პროცესში რაიმე სახის ჩარევას, რაზეც მეუფე ზენონმა განაცხადა: "ახლა მე ვერანაირ ჩარევას ვერ ვხედავ, თუ ხელისუფლებისგან გულისხმობთ, ემ ამას ვერ დავადასტურებ"

მაღალი იერარქები უკვე საპატრიარქოში არიან. ამ წუთებში ილია მეორის მოსახსენიებელი პანაშვიდი მიმდინარეობს, რომელსაც მეუფე შიო არავლენს. ამის შემდეგ სინოდის სხდომა დაიწყება. მაღალი იერარქები უკვე საპატრიარქოში არიან. 

მაქსიმუმ რა ასაკის უნდა იყოს და განათლების რა ხარისხი უნდა ჰქონდეს პატრიარქობის კანდიდატს - დიდი ალბათობით, სწორედ ამის შესახებ იმსჯელებენ დღეს სინოდის წევრები.

სასულიერო პირების ერთი ნაწილი ფიქრობს რომ საპატრიარქო ასაკს ორი წელი უნდა დაემატოს.

ავტორი: ექსპრესნიუსი,

სოციალური ქსელები

საქართველოს ბანკის sCoolApp-ში ტრივია დაიწყო - გაიგე, როგორ ჩაერთო სკოლის შეჯიბრში

ირანმა ჰორმუზის სრუტის დაკეტვის შესახებ განაცხადა და ისრაელი ცეცხლის შეწყვეტის შეთანხმების დარღვევაში დაადანაშაულა.

„ბოროტება და სიგიჟე“- MAGA-ს აქტივისტებმა ტრამპის გადადგომის მოთხოვნა დაიწყეს

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო