ვულოცავ იუსტიციის სამინისტროს და ყველა იმ პირს, ვინც იმუშავა მერაბიშვილის საქმეზე, - ამის შესახებ საქართველოს პარლამენტის ვიცე-სპიკერი მანანა კობახიძე Facebook-ის საკუთარ გვერდზე წერს.

როგორც კობახიძემ აღნიშნა, სტრასბურგის სასამართლოს მიერ მერაბიშვილის წინააღმდეგ საჩივრის დაკმაყოფილება, ეს სახელმწიფოს პრინციპული პოზიციის და თავდაუზოგავი შრომის შედეგია.

"ვულოცავ იუსტიციის სამინისტროს და ყველა იმ პირს, ვინც იმუშავა მერაბიშვილის საქმეზე, სახელმწიფოს მხრიდან წარდგენილი საჩივრის დაკმაყოფილებას და დიდ პალატაში საქმის განსახილველად გადაგზავნას! ეს არც ისე ხშირად ხდება, ეს სახელმწიფოს პრინციპული პოზიციის და თავდაუზოგავი შრომის შედეგია!", - წერს კობახიძე.

ცნობისთვის, ადამიანის უფლებათა ევროპული სასამართლოს 5 მოსამართლისგან შემდგარმა კოლეგიამ დააკმაყოფილა საქართველოს მთავრობის საჩივარი, რომლითაც იუსტიციის სამინისტრომ ივანე მერაბიშვილის საქმეზე ამავე სასამართლოს ერთ-ერთი პალატის მიერ 2016 წლის 14 ივნისს გამოტანილი გადაწყვეტილება გაასაჩივრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ევროპას ულტიმატუმი წაუყენა, რომ ჰორმუზის სრუტეში ჯარები გააგზავნონ

წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია

თიბისის მხარდაჭერით საქართველოში ტექნოლოგიური ოლიმპიადების ჰაბი შეიქმნა

ოქროსა და დოლარის მიმდინარე მერყეობა დაფინანსების ოპტიმალური სავალუტო სტრატეგიის ფარგლებში