რუსეთის სახელმწიფო ენერგეტიკული კომპანიის Россети-ს დელეგაცია საქართველოში სამუშაო ვიზიტით იმყოფებოდა.

კომპანიის დირექტორი, ანდრეი რიუმინი, რომელიც დელეგაციას ხელმძღვანელობდა, რუსეთის პრეზიდენტთან, ვლადიმირ პუტინთან დაახლოებულ ბიზნესმენად ითვლება, რის გამოც ის ევროკავშირის, გაერთიანებული სამეფოს, შვეიცარიის, კანადის, ავსტრალიის, ახალი ზელანდიის და უკრაინის მიერ არის სანქცირებული.

რუსულმა დელეგაციამ შეხვედრები გამართა ქართული ენერგეტიკული კომპანიებისა და ეკონომიკის სამინისტროს წარმომადგენლებთან.

Россети-ს მიერ რუსულ სოციალურ ქსელში გამოქვეყნებულ პოსტში წერია, რომ დელეგაციის წევრები შეხვდნენ საქართველოში მოქმედი უმსხვილესი ენერგეტიკული კომპანიის, SakRusenergo-ს წარმომადგენლებს. აღნიშნული კომპანიის 50%-ს Россети, ხოლო მეორე ნახევარს საქართველოს ხელისუფლება ფლობს. 

რუსული კომპანიის მიხედვით, შეხვედრაზე არსებული და სამომავლო ინვესტიციების გეგმები განიხილეს. ასევე, ეკონომიკის სამინისტროში შეხვედრის დროს ერთ-ერთი განხილვის თემა ელექტროენერგიის ინფრასტრუქტურის მოდერნიზებასა და მშენებლობასთან დაკავშირებული ერთობლივი პროექტების ჩატარების პერსპექტივები იყო. 

ავტორი: ექსპრესნიუსი,

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება