თბილისში, ეკონომიკისა და მდგრადი განვითარების სამინისტროსთან ე.წ. ოცნების ქალაქში უბედური შემთხვევის შედეგად, ორი ბავშვის დაღუპვის ფაქტთან დაკავშირებით აქცია გაიმართა.

აქციის მონაწილეები ითხოვდნენ ტრაგიკულ ფაქტთან დაკავშირებით შესაბამისი პირების პასუხისმგებლობის საკითხი დადგენას. 

აქციის მონაწილეებს სამინისტროსთან შემდეგი სახის ტრანსფარენტები ჰქონდათ მიტანილი: “დაასრულე სიღარიბე!”, “დაასრულე უმუშევრობა!”, “სად არიან შვილები?!”, “დაასრულე კორუფცია!”, “დაასრულე უსამართლობა”, “ბავშვების ოცნება პურია, რეჟიმის ოცნება ფულია”, “ეს რომ შენი შვილი იყოს…”

“პირველ რიგში, სამძიმარს ვუცხადებთ დაღუპული მცირეწლოვნების ოჯახის წევრებს და მთელ საქართველოს. ფაქტია, რომ ჩვენი სოციალურ - ეკონომიკური მდგომარეობა არ არის ისეთი სახარბიელო, როგორც მმართველი გუნდი ასაღებს. ბავშვებს არ უნდა უწევდეთ ჩვენს ქვეყანაში ჯართის შეგროვება, რათა ერთი-ორი კაპიკი იშოვონ, ოჯახი გამოკვებონ, ან სათამაშო იყიდონ. შესაბამისად, ჩვენ ეკონომიკის სამინისტროსთან შევიკრიბეთ, რომ მათ კიდევ ერთხელ გავაგონოთ საზოგადოების ხმა, რომ ეს არ არის უბრალო შემთხვევა და თითოეულმა ჩვენგანმა ხმა უნდა ავიმაღლოთ, რათა მომავალში იგივე ტრაგედია არ განმეორდეს”, - განაცხადა აქციის ერთ-ერთმა მონაწილემ.

ავტორი: ექსპრესნიუსი,

სოციალური ქსელები

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად