საფრანგეთმა, შესაძლოა, უკრაინაში სამხედრო ინსტრუქტორები უახლოეს მომავალში გაგზავნოს. ამის შესახებ Reuters-ი სამ დიპლომატიურ წყაროზე დაყრდნობით წერს.

წყაროების განცხადებით, სავარაუდოა, რომ საფრანგეთის ხელისუფლება აღნიშნული გადაწყვეტილების შესახებ მომავალ კვირაში, უკრაინის პრეზიდენტის, ვოლოდიმირ ზელენსკის ვიზიტისას გამოაცხადებს. 

წყაროების ცნობით, საფრანგეთი თავდაპირველად პერსონალის შეზღუდულ რაოდენობას გაგზავნის მისიის შესაფასებლად, შემდეგ კი - რამდენიმე ასეულ ინსტრუქტორს.

მათივე ინფორმაციით, წვრთნები ფოკუსირებული იქნება განაღმვაზე, აღჭურვილობის სამუშაო მდგომარეობაში შენარჩუნებასა და ავიაციასთან დაკავშირებით ტექნიკურ ცოდნაზე.

ცნობისთვის, უკრაინის პრეზიდენტის, ვოლოდიმირ ზელენსკის საფრანგეთში ვიზიტი 6 ივნისს, მოკავშირე ძალების ნორმანდიაში გადასხდომის მე-80 წლისთავზე არის დაგეგმილი.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება