საქართველოს თავდაცვის სამინისტროში საქართველოში აკრედიტებული უცხო ქვეყნების თავდაცვის ატაშეებთან მორიგი შეხვედრა გაიმართა.

თავდაცვის სამინისტროს ინფორმაციით, სსიპ კიბერუსაფრთხოების ბიუროს დირექტორმა ანდრია გოცირიძემ სტუმრებს 2014 წლის შემაჯამებელი პრეზენტაცია წარუდგინა და სამომავლო გეგმები გააცნო.

გასულ წელს შესრულებულ სამუშაოებზე საუბრისას,  კიბერუსაფრთხოების ბიუროს ხელმძღვანელობამ ყურადღება საერთაშორისო პარტნიორებთან ურთიერთობის მნიშვნელობაზე, მათ მხარდაჭერაზე, კიბერუსაფრთხოების პოლიტიკის დოკუმენტის დამტკიცებასა და სამხედრო სწავლებაში  კიბერელემენტების ჩართვაზე გაამახვილა.

მოგვიანებით შეხვედრა კითხვა-პასუხის რეჟიმში წარიმართა.  კიბერუსაფრთხოების ბიუროს წარმომადგენლებმა თავდაცვის ატაშეების რეკომენდაციები მოისმინეს.

შეხვედრას საქართველოს თავდაცვის მინისტრის მოადგილე, ლევან ღირსიაშვილი და მინისტრის მრჩეველი გიორგი ბეროშვილი დაესწრნენ.

ცნობისთვის, 2015 წელს  ბიუროს  მიზანს კიბერუსაფრთხოების სფეროში ცნობიერების ამაღლება, საერთაშორისო პარტნიორებთან თანამშრომლობის გაღრმავება და მათი გამოცდილების გაზიარება წარმოადგენს. ბიუროს დირექტორი მიმდინარე წლის პრიორიტეტებად სტუდენტებთან კომუნიკაციასაც ასახელებს. ანდრია გოცირიძის ინფორმაციით, მიმდინარე წელს ყველა სამხედრო სწავლებაში ჩართული იქნება კიბერელემენტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის