საქართველოში სამუშაო ვიზიტით ამერიკის შეერთებული შტატების ევროპული სარდლობის, J5/8 დეპარტამენტის დირექტორატის უფროსის მოადგილე, ბრიგადის გენერალი, ქევინ მაკნილი იმყოფება.

ამის შესახებ „ექსპრესნიუსს“ თავდაცვის სამინისტროდან აცნობეს.

მათივე ინფორმაციით, დღეს, თავდაცვის მინისტრის პირველმა მოადგილემ, გოჩა რატიანმა და საქართველოს შეიარაღებული ძალების გენერალური  შტაბის უფროსის პირველმა მოადგილემ, ბრიგადის გენერალმა, ვლადიმერ ჩაჩიბაიამ გენერალ ქევინ მაკნილს თავდაცვის სამინისტროში უმასპინძლეს.

შეხვედრაზე მხარეებმა თავდაცვის სფეროში საქართველოსა დ აშშ-ის შორის თანამშრომლობის საკითხები  და სამომავლო პერსპექტივები  განიხილეს. შეხვედრას კიბერუსაფრთხოების საკითხებში საქართველოს თავდაცვის მინისტრის მრჩეველი, გიორგი ბეროშვილი და აშშ-ის თავდაცვის ატაშე, პოლკოვნიკი მეთიუ დიმიკი  დაესწრნენ.

ამერიკელმა გენერალმა საქართველოს ტერიტორიული მთლიანობისა და ევროატლანტიკურ სტრუქტურებში  ინტეგრაციის გზაზე აშშ-ის მხარდაჭერა კიდევ ერთხელ დაადასტურა. მან ავღანეთის „მტკიცე მხარდაჭერის“ მისიაში  ქართველი სამხედრო მოსამსახურეების მონაწილეობაზეც ისაუბრა, ქართველი ჯარისკაცების წვლილი და მათი პროფესიონალიზმი ხაზგასმით აღნიშნა.

შეხვედრაზე საუბარი შეეხო ასევე,  რეგიონში არსებულ უსაფრთხოების გარემოს. მნიშვნელოვანი გამოწვევების ფონზე, ყურადღება  თავდაცვის სფეროში  საქართველოსა და აშშ-ის მჭიდრო პარტნიორობასა და ჩვენი ქვეყნის  თავდაცვითი შესაძლებლობების გაძლიერების მნიშვნელობაზე  გაამახვილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის