თბილისის ინფექციური საავადმყოფოს დირექტორის განცხადებით, იმ შემთხვევაში, თუ ქვეყანაში იქნება ინფიცირების შემთხვევების მატება, პირველი რიგის, ანუ ინფიცირებულ პაციენტებს 5 საავადმყოფო მიიღებს.

მისივე განცხადებით, თბილისის ინფექციური საავადმყოფო კვლავ მიიღებს კორონავირუსით ინფიცირებულ ადამიანებს.

"იმ შემთხვევაში თუ პაციენტთა მატების შემთხვევები იქნება, დღეს პრემიერთან შეხვედრაზე მივიღეთ ძალიან მკაფიო გადაწყვეტილება, რომ თუკი აქამდე მხოლოდ ინფექციური საავადმყოფო იღებდა ავადმყოფებს და სხვები კი მხოლოდ საკარანტინე პაციენტებს, გადაწყდა რომ პირველი რიგის მიმღები იქნება 5 სახელმწიფო დაქვემდებარების კლინიკა. ინფექციური საავადმყოფოდარჩება, საუნივერსიტეტო კლინიკა - ყოფილი მე-8 საავადმყოფო მთლიანად დაიცლება და ეს ძალიან კარგი რესურსია, რესპუბლიკური საავადმყოფო მთლიანად გათავისუფლდება, გორის ჰოსპიტალი და დამატებითი რესურსი ბოჭორიშვილის კლინიკა - 11 საწოლით. ჩამოთვლილ კლინიკების საწოლების რაოდენობა დაახლოებით 440-ია", - აღნიშნა თენგიზ ცერცვაძემ.

შეგახსენებთ, რომ აქამდე covid19-ით ინფიცირებულ პაციენტებს მხოლოდ თბილისის ინფექციური და საჩხერის საავადმყოფოები იღებდნენ. დანარჩენი საავადმყოფოები კი საკარანტინე პაციენტებთან მუშაობდნენ.

ავტორი: ექსპრესნიუსი,

სოციალური ქსელები

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ