ცნობილი იტალიელი მოდის დიზაინერი, Valentino-ს მოდის სახლის დამფუძნებელი, ვალენტინო გარავანი 93 წლის ასაკში გარდაიცვალა.

ვალენტინო გარავანისა და ჯანკარლო ჯამეტის ფონდის განცხადების თანახმად, ის „რომის რეზიდენციის სიმშვიდეში, საყვარელი ადამიანების სიყვარულით გარშემორტყმული“ გარდაიცვალა.

გამოსამშვიდობებელი პანაშვიდი რომში, პიაცა მინიანელის დარბაზში ოთხშაბათს, 21 იანვარს და ხუთშაბათს, 22 იანვარს, 11:00 საათიდან 18:00 საათამდე გაიმართება. დაკრძალვა პარასკევს, 23 იანვარს, 11:00 საათზე, რომში, პიაცა დელა რესპუბლიკის სანტა მარია დელი ანჯელესა და დეი მარტირის ბაზილიკაში გაიმართება.

იტალიის პრემიერ-მინისტრმა, ჯორჯია მელონიმ, დაწერა:
„ვალენტინო, სტილისა და ელეგანტურობის უდავო ოსტატი, იტალიური მაღალი მოდის მარადიული სიმბოლო. დღეს იტალია ლეგენდას კარგავს, მაგრამ მისი მემკვიდრეობა თაობებს შთააგონებს. მადლობა ყველაფრისთვის“.

დამახასიათებელი წითელი ელფერისა და ელეგანტური მაღალი მოდის სილუეტების შემქმნელმა მსოფლიო აღიარება XX საუკუნის მეორე ნახევარში მოიპოვა და მისი სტილი ფუფუნებისა და სტატუსის აღიარებულ სიმბოლოდ იქცა.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს