ვერშბოუ: აუცილებელია, რომ საქმეების პოლიტიზირება თავიდან იქნას აცილებული

2015-01-27 10:54:34, 502 ნახვა

პოლიტიკა

„აუცილებელია, რომ საქმეების პოლიტიზირება თავიდან იქნას აცილებული“,- ამის შესახებ ნატო-ს გენერალური მდივნის მოადგილე ალექსანდრ ვერშბოუმ „საზოგადოებრივ მაუწყებელთან“ ინტერვიუში განაცხადა.

როგორც ვერშბოუმ აღნიშნა, თუკი ვინმემ ჩაიდინა დანაშაული ან საქმე კორუფციას ეხება, სისტემამ კანონის შესაბამისად უნდა იმოქმედოს.

„იყო გამოთქმული შეშფოთება, როგორც ყოფილი ხელისუფლების ასევე ახლანდელი ხელისუფლების დროსაც. როდესაც საუბარია ყოფილი ხელისუფლების წარმომადგენლების წინააღმდეგ აღძრულ საქმეებზე ჩვენი პოზიცია ასეთია - თუკი ვინმემ ჩაიდინა დანაშაული ან კორუფციასთან გვაქვს საქმე, კანონის შესაბამისად უნდა იმოქმედოს სისტემამ. ვინაიდან ახალგაზრდა დემოკრატიაა ქვეყანაში აუცილებელია, რომ ფრთხილად ვიყოთ, ვინაიდან აუცილებელია, რომ საქმეების პოლიტიზირება თავიდან იქნას აცილებული“, - განაცხადა ალექსანდრ ვერშბოუმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან