საქართველოს ეკონომიკაში არაბთა გაერთიანებული საემიროების ინვესტიციამ 700 მილიონ დოლარს მიაღწია.
ამის შესახებ საქართველოს პრემიერ-მინისტრმა, ირაკლი ღარიბაშვილმა საქართველო-არაბეთის გაერთიანებული საემიროების ბიზნესფორუმზე სიტყვით გამოსვლისას განაცხადა. პრემიერის თქმით, გაერთიანებული საემიროებიდან საქართველოს მიმართ ინტერესი იზრდება.
„არაბთა გაერთიანებული საემიროები გახლავთ ერთ-ერთი ყველაზე დიდი ინვესტორი საქართველოში, რომლის ინვესტიციებმა საქართველოს ეკონომიკაში ფაქტობრივად სარეკორდო, 700 მილიონ დოლარს მიღწია საქართველოს ეკონომიკური ზრდის თვალსაზრისით სხვადასხვა სექტორებში. 2014 წელს ჩვენს ქვეყნებს შორის ვაჭრობამ 200 მილიონს გადააჭარბა“, - განაცხადა ირაკლი ღარიბაშვილმა.
გაერთიანებული საემიროების დელეგაციის ვიზიტის ფარგლებში საქართველო-არაბეთის გაერთიანებული საემიროების ბიზნესფორუმი გაიმართა, სადაც ქართულმა მხარემ სტუმრებს საქართველოში საინვესტიციო კლიმატის შესახებ ინფორმაცია მიაწოდა.
ვიზიტის ფარგლებში, ხვალ ინვესტორები საწარმოებსა და საპრივატიზაციო ობექტებს დაათვალიერებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა