ზუგდიდის მუნიციპალიტეტის გამგებლის მოადგილემ გიზო სართანიამ, ზუგდიდის მუნიციპალიტეტის გამგეობის კულტურის, განათლების, სპორტის, ძეგლთა დაცვის, ახალგაზრდულ საქმეთა და სოციალური დაცვის სამსახურის უფროსმა მაია ჩიტაიამ და ზუგდიდის მუნიციპალიტეტის ცენტრალური ბიბლიოთეკის დირექტორმა მადონა მაქაცარიამ, დღეს ჭითაწყარში, ინგირში, დარჩელში, კოკსა და ჯიხაშკარში მცხოვრებ 5 სოციალურად დაუცველ ოჯახს აღდგომის დღესასწაულთან დაკავშირებით საჩუქრად სიმბოლური თანხა გადასცა.

როგორც „ექსპრესნიუსს“ გამგეობიდან აცნობეს, სოციალურად დაუცველი ოჯახებისთვის გადასაცემი სააღდგომო სიმბოლური თანხა მუნიციპალიტეტის გამგეობისა და მუნიციპალიტეტის ცენტრალური ბიბლიოთეკის თითოეულმა თანამშრომელმა გაიღო.

მუნიციპალიტეტის გამგეობამ სააღდგომო ქველმოქმედების სახით ერთჯერადი ფულადი დახმარება ფოთის მკვიდრ ზურაბ ფურტუნსაც გაუწია.

გამგეობის საქველმოქმედო აქცია პერმანენტულ ხასიათს მიიღებს და წელიწადში რამდენიმე სოციალურად დაუცველ ოჯახს მინიმალურ დახმარებას გაუწევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი