საქართველოს პრეზიდენტმა გიორგი მარგველაშვილმა ჯანდაცვის საერთაშორისო დღესთან დაკავშირებით ჯანდაცვის მინისტრი დავით სერგეენკო წმინდა გიორგის სახელობის გამარჯვების ორდენით დააჯილდოვა. 

სერგეენკოს ორდენი ჯანმრთელობის დაცვაში შეტანილი პირადი წვლილისთვის, ჯანდაცვის სისტემაში წარმოებული რეფორმებისა და პროგრამების წარმატებით განხორციელებასა და მაღალი პროფესიონალიზმისთვის გადაეცა. 

„დღეს არის ჯანდაცვის საერთაშორისო დღე და გვაქვს პატივი ვუმასპინძლოთ ამ სფეროს გამოჩენილ მოღვაწეებს.  ყველას გილოცავთ. მინდა მადლობა გითხრათ იმისათვის, რასაც თქვენ და თქვენი კოლეგები ყოველდღიურად აკეთებთ ჩვენი ქვეყნისთვის. შვებას გვაძლევთ ურთულეს მომენტში და განსაკუთრებით მინდა  ათასობით ადამიანის სახელით მადლობა ვუთხრა ჯანდაცვის მინისტრს იმისათვის, რომ ამ ქვეყანაში მისი მიერ განხორციელებული საქმიანობის შედეგად მრავალ ათას ადამიანს შვება მიეცა. მთავრობის კოლეგიალური მუშაობის გარეშე რა თქმა უნდა მიღწევები შეუძლებელი იქნება.  ჯანდაცვის სამინისტრომ ჯანმრთელობის დაცვის კუთხით რევოლუციური ნაბიჯები გადადგა.  დავით სერგეენკოს მადლობას ვუხდი.  მისი საქმიანობა და მისი დიდი ღვაწლი აღინიშნა წმინდა გიორგის სახელობის გამარჯვების ორდენით“, – განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI