2017-02-02 18:34:06, 1863 ნახვა

---

იანოშ ჰერმანი ვიზალიბერალიზაციაზე: ეს საქართველოს მიერ წლების განმავლობაში გაწეული სამუშაოს შედეგია

ევროკავშირის ელჩი საქართველოში იანოშ ჰერმანი საქართველოს პრემიერ-მინისტრს შეხვდა. შეხვედრის შემდეგ მან მედიასთან კომენტარი გააკეთა.

ჰერმანის თქმით, დღეს საქართველომ ძალიან მნიშვნელოვან შედეგს მიაღწია.

ჰერმანი იმედოვნებს, დარჩენილი პროცედურები მალე დასრულდება:

“ევროპარლამენტის  კენჭისყრის შემდეგ ჩემთვის დიდი პატივია  პრემიერ კვირიკაშვილთან შეხვედრა. ეს ძალიან მნიშვნელოვანი შედეგია, ესაა შედეგი საქართველოს მიერ წლების განმავლობაში გაწეული სამუშაოსი. ახლა მორიგი ნაბიჯია გადასადგმელი, რადგან წევრმა ქვეყნებმაც საბჭოში უნდა მიიღონ გადაწყვეტილება . მხოლოდ ერთი ნაბიჯიღა რჩება გადასადგემლი. იმედი მაქვას, ეს ძალიან მალე მოხდება. ვიზალიბერალიზაციის პროცესს პირადად ვაკვირდებოდი ბოლო ორი წლის განმავლობაში და ვიცი, რამდენი რამე გაკეთდა“,-განაცხადა იანოშ ჰერმანმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი