აჭარის საზოგადობრივი ჯანდაცვის ცენტრი ორსულებში ფარისებრი ჯირკვლის უფასო სკრინინს იწყებს

2015-03-23 13:16:25, 393 ნახვა

საზოგადოება

აჭარის საზოგადობრივი ჯანდაცვის ცენტრი პროგრამის -„ფარისებრი ჯირკვლის გამოკვლევა ორსულებში“ ფარგლებში ფარისებრი ჯირკვლის უფასო სკრინინს იწყებს.

აჭარის ჯანდაცვის სამინისტროს ინფორმაციით, პროგრამის მოსარგებლეებს წარმოადგენენ 0-დან 200 000-მდე სარეიტინგო ქულის მქონე ორსულები, რომლებიც 2015 წლის 1 იანვრის მდგომარეობით რეგისტრირებულნი არიან აჭარის ავტონომიურ რესპუბლიკაში.

უფასო სკრინინგ პროგრამა ითვალისწინებს ენდოკრინოლოგის კონსულტაციას, ფარისებრი ჯირკვლის ულტრასონოგრაფიულ და ფარისებრი ჯირკვლის ჰორმონალურ კვლევას (თირეოტროპული ჰორმონის განსაზღვრა, თავისუფალი თიროქსინის განსაზღვრა). პროგრამის ფარგელბში უფასო სამედიცინო მომსახურებას მიიღებს 2000 ორსული.

პროგრამის შემსრულებელი ელექტრონული ტენდერის საფუძველზე გამოვლენილი იურიდიული პირი სს. საზღვაო ჰოსპიტალია.

„ფარისებრი ჯირკვლის დაავადებები ყველაზე გავრცელებულ ენდოკრინულ პათოლოგიათა რიცხვს ეკუთვნის. აჭარა წარმოადგენს აღნიშნული პათოლოგიებით ავადობის ენდემურ ზონას. აქედან გამომდინარე, მეტად მნიშვნელოვანია ორსულებში დაავადებათა ადრეული გამოვლენა, რაც უპირველესად ხელს შეუწყობს ორსულებში გართულებების თავიდან აცილებასა და ჯანსაღი ინტელექტუალი მომავალი თაობის ფორმირებას“, - აცხადებენ აჭარის ჯანდაცვის სამინისტროში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან