„პუტინის და მარგველაშვილის შეხვედრა და დიალოგის ახალი ფორმატის შექმნა ამ მძიმე ვითარების ფონზე ვერ წარმომიდგენია“,-ამის შესახებ საქართველოს საგარეო საქმეთა მინისტრმა თამარ ბერუჩაშვილმა  რუსეთის ფედერაციის პრეზიდენტის პრესსპიკერის დიმიტრი პესკოვის განცხადებასთან დაკავშირებით განაცხადა, რომლის თანახმადაც  პესკოვით თქმით, ქართველი და რუსი დიპლომატები არ გამორიცხავენ რუსეთ-საქართველოს პირველი პირების შეხვედრას.
ბერუჩაშვილის თქმით, მან არ იცის პესკოვი რომელ დიპლომატებზე საუბრობდა.
„მე არ ვიცი, რომელ დიპლომატებზე საუბრობდა, რომლებმაც შეხვედრების   ასეთი  სურვილი გამოთქვეს.  ჩვენ ხელთ არსებული  ინფორმაციით,  რუსეთი არ იყო მთლიანად მზად ამ პროცესისთვის, იმის ფონზე რაც დღეს მიმდინარეობს  რუსეთის მხრიდან, იმის ფონზე, რომ გუშინ პრაქტიკულად განხორციელდა  საქართველოს ტერიტრორიების ანექსია ანუ განმეორდა ის ნაბიჯი, რაც ერთხელ უკვე  გადადგმა რუსეთმა ოკუპირებული   ტრერიტორიების ანექსია მოხდა.  ეს ფონი არის უმძიმესი და მე  ვერ წარმომიდგენია ამ სიტუაციაში  დიალოგის ახალი ფორმატების  შექმნა, ის  ფორმატები რაც არსებობს, საქართველო მას იყენებს და შეეცდება  გამოიყენოს უფრო ეფექტიანად“,-განაცხადა ბერუჩაშვილმა.
ცნობისთვის, გუშინ რუსეთის ფედერაციამ ოკუპირებულ სამხრეთ ოსეთთან „მოკავშირეობისა და ინტეგრაციის შესახებ ე.წ. ხელშეკრულება გააფორმა, რომელსაც რუსეთის პირველმა პირმა ვლადიმერ პუტინმა და სამხრეთ ოსეთის დე ფაქტო ლიდერმა   ლეონიდ თიბილოვმა მოაწერეს ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს

რადიკალებმა რომლებიც ბოლნისის მერიის თანამშრომლები არიან, ბიჭს აიათოლაზე დაწერილი პოსტის გამოც გაუსწორდნენ