არ აქვს მნიშვნელობა რომელმა პოლიტიკურმა ძალამ გაავრცელა აუდიო ჩანაწერი, გადატრიალების მცდელობა სახეზე გვაქვს, - ამის შესახებ "თოფაძე-მრეწველები, ჩვენი სამშობლოს" ერთ-ერთმა ლიდერმა ზურაბ ტყემალაძემ ფარულ ჩანაწერებთან დაკავშირებით "ექსპრესნიუსის" კითხვის საპასუხოდ განაცხადა.

როგორც ტყემალაძემ აღნიშნა, სამართალდამცველები ჩანაწერების ფაქტს გამოიძიებენ.

"გადატრიალების მცდელობა სახეზე გვაქვს. ასეთი ჩანაწერები არ ემსახურება სამართლიან და ნორმალურ პირობებში არჩევნების ჩატარებას. მოვუწოდებ ყველას, თავი შეიკავონ და პროვოკაციებს არ აყვნენ. რა თქმა უნდა სამართალდამცველები აღნიშნულ ფაქტს გამოიძიებენ. დარწმუნებული ვარ, რომ სახელმწიფო სტრუქტურები მუშაობენ გამართულად და არ დაუშვებენ, რომ რაიმე სახის რევოლუციური მუხტი შემოიტანონ", - განაცხადა ტყემალაძემ.

ცნობისთვის, სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა