პრეზიდენტი  გიორგი მარგველაშვილი 30 სექტემბერს  საქართველოში დაგეგმილ რომის პაპის ვიზიტს ეხმაურება.

პრეზიდენტის პრესსპიკერის ეკა მიშველაძის განცხადებით, რომის პაპის ვიზიტი   საშუალებას იძლევა, კიდევ ერთხელ ხაზი გაესვას რეგიონში მშვიდობისა და  დემოკრატიის მნიშვნელობას.

მისივე თქმით, ვატიკანი განსაკუთრებულ როლს ასრულებს საერთაშორისო ურთიერთობებში და  მისი მხარდაჭერა საქართველოს ტერიტორიული მთლიანობის, სუვერენიტეტისა  და ოკუპირებული ტერიტორიების არაღიარების პოლიტიკისადმი, უაღრესად  მნიშვნელოვანია.

„მოგეხსენებათ,  პაპი არამხოლოდ მილირად 200 მილიონი ადამიანის სულიერი ლიდერია, არამედ ვატიკანის სახელმწიფოს მეთაურიცაა. შესაბამისად, ვიზიტის ფორმატი ითვალისწინებს როგორც საერო, ასევე საეკლისო  ხელისუფლებასთან შეხვედრას. რომის პაპი შეხვდება  პრეზიდენტს  და კათოლიკოს პატრიარქს. ვიზიტის მნიშვნელობიდან გამომდინარე, მთელი ვიზიტის განმავლობაში საქართველო ყველა საერთაშორისო მედიასაშულების ყურადღების ცენტრში მოექცევა, რაც ჩვენი ქვეყნისთვის კიდევ ერთი შესაძლებლობაა, წარმოაჩინოს  მისი უნიკალური როლი როგორც ქრისტიანული ცივილიზაციის ერთ-ერთი შემოქმედისა და განსხვავებულ  ცივილიზაციათა  დამაკავშირებელი  სახელმწიფოსი. ამ ვიზიტის ღირსეულად განხორციელება საქართველოს ყველა მოქალაქისთვის ძალიან მნიშვნელოვანია“,-აღნიშნა მიშველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა