პორტუგალიის კუნძულ მადეირაზე, გაჩენილი ხანძრის შედეგად 3 ადამიანი გარდაიცვალა, - ამის შესახებ უცხოური მედია იუწყება. 

როგორც მედია საშუალება წერს, ცეცხლი ტყეს გაუჩნდა, შემდეგ კი ადმინისტრაციულ ქალაქს მიუახლოვდა. ადგილობრივი ხელისუფლების ინფორმაციით, სამივე გარდაცვლილი საცხოვრებელ ბინებში იპოვეს.

მედიის ცნობით, საკურორტო ზონაში 27 სახლი, მათ შორის ხუთვარსკვლავიანი სასტუმროც იწვის. ადგილობრივი ხელისუფლების გადაწყვეტილებით, ათასობით ადამიანი ევაკუირებულია.

მოსახლეობა, რომელმაც საცხოვრებელი სახლები დროულად არ დატოვა, კვამლით მოიწამლა. ათობით ადამიანი საავადმყოფოებში გადაიყვანეს.

მაშველები და მეხანძრეები ამ დრომდე ხანძრის ჩაქრობას ცდილობენ, თუმცა სამუშაოებს ძლიერი ქარი აფერხებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა