ავღანეთის დედაქალაქ ქაბულში ტერაქტის შედეგად 60-ზე მეტი ადამიანი გარდაიცვალა, 170 კი დაშავდა, - ამის შესახებ "რია-ნოვოსტი" იუწყება.

როგორც მედია საშუალება წერს, თვითმკვლელმა ტერორისტმა მასობრივი დემონსტრაციის დროს თავი აიფეთქა, რომელსაც ავღანეთში მცხოვრები ეთნიკური უმცირესობა - ხაზარები მართავდნენ.აღნიშნული ინფორმაცია ადგილობრივმა სამართალდამცველებმა უკვე დაადასტურეს. 

დაშავებულები საავადმყოფოში არიან გადაყვანილი. გარდაცვლილთა რიცხვი შესაძლოა გაიზარდოს. 

შესაბამისი უწყებების ინფორმაციით, აფეთქებაში სულ 3 ტერორისტი მონაწილეობდა. ერთ-ერთი ტერორისტის მოწყობილობა უბრალოდ არ ამოქმედდა, ხოლო მესამე ტერორისტის ლიკვიდაცია მოხერხდა. 

დემონსტრაციის ფოტოები ერთ-ერთმა ფოტოგრაფმა სოციალური ქსელის მეშვეობით გაავრცელა.

აფეთქებაზე პასუხისმგებლობა "ისლამურმა სახელმწიფომ" აიღო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა