ცნობილ ჟურნალისტ პაველ შერემეტს მინსკში დღეს დაკრძალავენ, - ამის შესახებ რუსული მედია იუწყება.

მედია საშუალების ინფორმაციით, ჟურნალისტი ბელარუსში გუშინ გადაასვენებს.

დილიდან მინსკის მთავარ ტაძარში სამოქალაქო პანაშვიდი მიმდინარეობს. ცერემონიას შერემეტის მეგობრები, კოლეგები და ოჯახის წევრები ესწრებიან.

შეგახსენებთ, რომ პაველ შერემეტი კიევში სამი დღის წინ ავტომანქანის აფეთქების დროს დაიღუპა.

გამოძიების ცნობით, მის ავტომობილში ასაფეთქებელი მოწყობილობა ამოქმედდა. გავრცელდა ქუჩაში დამონტაჟებული კამერების ჩანაწერებიც. კადრებში ჩანს ორი პირი, რომელიც შერემეტის მანქანას უახლოვდება და ბომბს ამონტაჟებს.

გამოძიება განზრახ მკვლელობის მუხლით მიმდინარეობს. ერთ-ერთ მოტივად ჟურნალისტის პროფესიული საქმიანობა სახელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა