სირიელ ამბოხებულთა დაჯგუფებამ ბავშვს თავი მოკვეთა, - ამის შესახებ ინფორმაციას BBC ავრცელებს.

როგორც მედია საშუალება წერს, ბიჭი პალესტინურ-სირიული  დაჯგუფების „ ალ-ქუდსის ბრიგადის“ შემადგენლობაში იყო და სირიის სამთავრობო შენაერთების მხარეს იბრძოდა.

ინტერნეტში მკვლელობის ამსახველი ვიდეო გავრცელდა. ჩანაწერში ჩანს, რომ პიკაპის ტიპის ავტომობილში 5 მამაკაცი ზის, მათ ბიჭუნა ჰყავთ დატყვევებული, რომელიც 12 წლის იყო.

ერთ-ერთი მამაკაცი ამბობს: “ალ-ქუდსის ბრიგადას” არ ჰყავს მამაკაცები, რადგან ისინი ბავშვებს გვიგზავნიან”. „აი რა მოუვა შენს ლეკვებს, ბაშარ,“ - მიმართავენ ვიდეორგოლში სირიის პრეზიდენტს. ამის შემდეგ კი ბავშვს თავს კვეთენ.

BBC-ის ინფორმაციით, ბავშვი ალეპოს მახლობლად ადგილობრივი ამბოხებულების მოძრაობამ "ნურ ალ-დინ ალ-ზინკიმ" დააკავა.

სააგენტო Reuters-ი წერს, რომ აღნიშნული დაჯგუფება გასული წლის სექტემბრამდე აშშ-სგან სამხედრო და ფინანსურ დახმარებას იღებდა.  დაუადასტურებელი ცნობით, მოძრაობის სპონსორებს შორის ასევე თურქეთი, ყატარი, საფრანგეთი და დიდი ბრიტანეთი იყვნენ.

მოგვიანებით მედიაში მოძრაობა "ნურ ალ-დინ ალ-ზინკის" ლიდერების განცხადება გავრცელდა, სადაც ისინი ბავშვის მკვლელობას გმობენ და პირობას დებენ, რომ მომხდარს გამოიძიებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება