აშშ-ში, შტატ ვირჯინიაში წყალდიდობის შედეგად 20 ადამიანი გარდაიცვალა, მათ შორის 8 წლის ბავშვი, - ამის შესახებ BBC იუწყება.

ადგილობრივი მთავრობის ინფორმაციით, ძლიერმა შტორმმა წყალდიდობა გამოიწვია, რის შედეგადაც შტატის ინფრასტრუქტურა დაზიანდა.

მედია საშუალების ცნობით, სამაშველო სამსახურებმა ცავაჭრო ცენტრში ჩარჩენილი 500-მდე ადამიანი გამოიყვანეს.

წყალდიდობამ, 100-ზე მეტი სახლი გაანადგურა, ხოლო ათასობით ადამიანი ელექტროენერგიის გარეშე დარჩა.

სამძებრო-სამაშველო სამუშაოებში ნაციონალური გვარდიაც მონაწილეობს.

სააგენტო AP-ის ინფორმაციით, 8 წლის ბიჭუნა დინებამ წაიღო. ოჯახის წევრები მის გადარჩენას ცდილობდნენ, თუმცა ამაოდ. არასრულწლოვანის ცხედარი სახლიდან რამდენიმე მეტრში იპოვეს.

მაშველებმა, კიდევ ერთი 4 წლის ბავშვის ცხედარი იპოვეს. მცირეწლოვანი ბაბუასთან ერთად სახლის მიმდებარე ტერიტორიაზე იმყოფებოდა, როდესაც წყალში ჩავარდა. მამაკაცი ბავშვის გადარჩენას ცდილობდა, თუმცა ბავშვი დინებამ წაიღო.

შტატის ისტორიაში ეს ერთ-ერთი ყველაზე მასშტაბური წყალდიდობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი