არასამთავრობო ორგანიზაცია Press Emblem Campaign (PEC)-ის ინფორმაციით, სამსახურეობრივი მოვალეობის შესრულების დროს, მსოფლიოს 18 ქვეყანაში 2016 წელს 40 ჟურნალისტი მოკლეს, - ამის შესახებ Regnum იუწყება.

მედიის ინფორმაციით, PEC-ი სხვადასხვა ქვეყნის მთავრობებს მიმართავს და მოუწოდებს, კონფლიქტის ზონებში ჟურნალისტების დაცვა გააძლიერონ. ასევე, ჟურნალისტების მკვლელობაში დამნაშავეთა დასჯისთვის ზომები გაძლიერდეს.

ორგანიზაციის ინფორმაციით, 2016 წელს ავღანეთში 8, მექსიკაში 5, იემენში 5, ერაყში 3, თურქეთში 3, სირიაში 2 და პაკისტანში 2 რეპორტიორი მოკლეს. არის ქვეყნებიც, სადაც თითო-თითო ჟურნალისტია მოკლული.

შეგახსენებთ, რომ სტატისტიკის თანახმად, 2015 წელს კონფლიქტის ზონებში სამსახურეობრივი მოვალეობის დროს 135 რეპორტიორი მოკლეს.

ცნობისთვის, მედიის წარმომადგენლების მიმართ განსაკუთრებული სისასტიკით მექსიკა და ჰონდურასი გამოირჩევა, სადაც დამნაშავეები არ დასჯილან. ბრაზილიასა და კოლუმბიაში კი, დამნაშავეები კანონის სრული სიმკაცრით დაისაჯნენ, რასაც PEC-ი პროგრესულ ქმედებად აფასებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ